分享到:

尋日同朋友去咗九號水產食嘢兼帶咗小JM參加九號水產舉辦嘅暑假玩學體驗日。

只要喺場內消費滿 HKD$100 以上就可以獲贈 HDK$40 遊戲券添。

講開食嘢,原來九號水產場內嘅四間日式食肆 (包括:饒之味居酒屋、頤之味壽司吧、宏甜品美食店及豚道樂拉麵店)都新出咗多款精緻嘅兒童餐,而且價錢大眾化,每款只售HKD$68咋。

而今次我地就揀咗食頤之味壽司吧,仲試咗幾款不同嘅丼飯,我地同朋友仔食完都大叫Encore!

其實如果唔係小JM太細個我地都想坐下吧枱睇下師父整壽司,都可以算係一種享受。

環境尚算唔錯,雖然開放式,但同朋友傾計飯聚一樣咁舒服。

頤之味亦有提供小朋友用餐椅、餐具及兒童餐,大人可以輕鬆食飯之餘都唔需要太擔小朋友唔啱食。

餐牌: https://goo.gl/zA2MkC

我地分別試咗以下幾款丼飯及兒童餐,不齊睇下又啱唔啱你心水啦。

(可惜尋日我地去到個陣無晒海膽,唯有下次再試)

三文魚、牡丹蝦、凡立貝、三文魚籽丼

松葉蟹、甜蝦、三文魚籽丼

小JM媽同朋友都覺得好食,而且啲飯夠多,男仔食都夠飽肚。刺身亦好新鮮,鮮度十足,蝦亦都好爽滑。

頤童便當C餐

頤童餐均包含一杯紙包飲品

日式和牛烏冬、太卷、腸仔再加埋醒胃沙律,夠晒有「營」!

另外剛剛亦有提及過九號水產舉辦嘅暑假玩學體驗日,原來喺來緊嘅暑假九號水產將會提供玩學課程俾大家報讀,課程選擇更多達四十個,種類仲多元化添。而暑假玩學體驗日剛好令到九號水產化身成市集,同時亦設有多個唔同主題嘅體驗區、工作坊及攤位遊戲,足夠令小朋友們樂上半天。唔單止咁,場內仲有舞台表演添架。

特式活動簡介:

日式卡通便當親子烹飪班

我地就同小JM一齊參加咗由Mavise 日本媽媽便當達人所舉辦嘅日式卡通便當親子烹飪班。

你睇小JM幾認真聽Mavise媽媽講解~^^

今次嘅親子烹飪班仲創造咗好多小JM嘅「第一次」:

第一次切洋蔥及炒洋蔥,仲有切腸仔,同撕著仔皮添。

第一次打貓 (偷食),有相同片為證架!

不過事後都有幫手整可樂餅嘅~

第一次整便當俾爸爸!

雖然一路食一路整材料好多都去晒小JM個肚度,都小JM依然堅持要有一個可樂餅俾爸爸!

自製木製小傢俱 試玩巨型彈珠台

伙木工房於場內設置巨型彈珠台俾大小朋友們試玩,同時亦可以付費親自打造屬於自己嘅傢俱。

小傢俱嘅配件由原木打磨,再組裝成為小傢俱,真係好巧心機架。

製作朱古力金幣

由榮獲多個國際獎項的朱古力達人古嘉俊Jeffery Koo創立嘅Chocokoo Cooking Studio都有攤位教整朱古力金幣 。平時新年現成嘅就食得多,呢啲自製靚靚朱古力金幣堅係真材實料,好玩之餘又靚又好食。

自然遊樂 暑期班

九號水產喺暑假將會開辦多場「小小環保大藝術」 及「 小小廚藝大科學」 玩學課程。

而今次活動就剛好可以俾小朋友免費大玩大自然廚房及環保生活藝術創作遊戲, 從而提升小朋友嘅創造力。

果子·夢(結伴同遊)

體驗日當天亦設有攤位活動俾小朋友參與,仲可以玩印水紙添。

阿比 · 手造波板糖製作

手造波板糖相信大家亦有聽聞過。今次阿比仲現場示範如何製作麥芽波板糖,即整即食味道真係非同凡響架。

臉部彩繪 

Globalart Hong Kong於場內為小朋友提供臉部彩繪。從小朋友立體又表情豐富嘅臉上畫上臉部彩繪,可以令繪畫更層次分明、色彩鮮豔及俱立體感!

如果你都想知道來緊九號水產會有咩暑期活動,就要快啲追蹤住九號水產嘅FB專頁啦!

現場消費 請你玩轉遊樂園

由6月24日體驗日起,凡帶同12歲以下孩子到九號水產內指定商鋪*消費滿$100起,即可獲贈百田遊戲贈券一張#。先到先得,送完即止。

*凡帶同12歲以下孩子於豚道樂、宏、頤之味、饒之味及食材專賣店消費滿$200 (以單一收據計),即可獲贈百田遊戲贈券一張。消費滿$400,可共獲贈百田遊戲贈券兩張,單一收據可換百田遊戲贈券最多兩張。凡於鮮薈、大鋪子消費滿$100(以單一收據計),可獲贈百田遊戲贈券一張。消費滿$200,則可獲贈百田遊戲贈券兩張,單一收據可換百田遊戲贈券最多兩張。

#贈券可適用於小小車手大任務丶 兒童電動車或充氣彈床,三揀一,使用限期至2018年8月31日。

九號水產

地點:  紅磡德豐街8號黃埔新天地第九期地下九號水產

九號水產暑假活動報名: https://docs.google.com/forms/d/e/1FAIpQLScrG-lkftkWfi7Ld1JP_vLRoJBKrMehp0LPeo1yJBM6wm1isw/viewform?usp=sf_link

電話: 2121 0606 / Whatsapp: 9865 1769

自然遊樂活動報名: https://goo.gl/forms/ojw8YcsMpl7x33Bj2

電話/ Whatsapp 9883 9423 / 9151 9118

果子夢活動報名: Whatsapp 5288 0429

分享到:

Leave a Comment

Your email address will not be published. Required fields are marked *