分享到:
Combi 新手爸媽體驗日

日期:10 Jun 2018 ( Sun )
時間 :  2:30p.m. – 5:15p.m.
地點 :  油麻地拉斐特

今次有幸參加Combi 新手爸媽體驗日,對上一次黎拉斐特呢個地方就係當年結婚行禮個陣,估唔到眨吓眼時間過得咁快…今次已經可以帶埋愛情結晶品一齊再嚟過呢個咁浪漫嘅地方
講完題外話…好啦!盡快入正題

今次呢個講座同我以往一般參加嘅其他媽媽會講座唔同‍♀️除左聽專業人士分享意見之外… 更加設有體驗區環節令到我可以落手落腳體驗做新手媽媽嘅樂趣

>>講座前有即場攝影師幫新手爸媽影相留念

>>講座開頭由許靜儀姑娘分享成功餵哺母乳嘅要訣
除咗母乳嘅詳細資料同餵哺技巧之外..
姑娘提及到嘅重點

要保持心境開朗

開心嘅心情係非常重要️我好認同架
我都深信開心係會傳染番比BB

>>第2 part講座係由Combi 經理介紹佢哋牌子嘅產品,包括佢哋最出名嘅BB車同埋Baby Car Seat
聽完佢嘅專業分享先知原來Bb車同老公嘅二奶係一樣
基本都係分歐洲版同日本版
每一個版本都有佢嘅特色

A@歐洲版比較大部️
強調垂直避震
物料比較厚身適合外國天氣
B@亞洲版專為亞洲環境設計️
強調水平避震
用嘅物料比較透氣適合亞洲天氣

考慮買車嘅重點
1,係BB車最主要邊個用?
2,屋企嘅居住環境附近地點?
3,同埋手推車係咪方便同 User friendly?

好!呢個問題又要慢慢再諗…

Baby Car seat 呢個item
本身都係諗住搵老公話事
今次學到嘅知識就一五一十跟Pass晒比佢
留返個題目等佢慢慢揀
P.S.畢竟二奶既野大婆都係唔好管咁多

>>聽完兩個講座之後..
就開始參加專區體驗
分開咗四個專區包括:衣·食·住·行

Zone A@Outing
首先係是試用BB車
原來用BB車都要有技巧
職員好詳細介紹每部車嘅性能
我起碼試咗五六次先學識單手收Bb車
平日係街度見到啲媽媽好似好易咁️
其實原來都唔係
另一隻手仲要抱住BB
我都好驚我將來會搞唔掂

Zone B@Feeding
之後職員示範點樣沖第一支奶
其實我由細到大都未照顧過小朋友
今次係一個好好嘅機會俾我嘗試
唔知點解…當時我個仔踢我踢得好大力
我喺度諗係咪佢已經知道學識沖奶..將來有奶食
所以好興奮呢

Zone C@Bathing
之後輪到新手媽媽最驚嘅一個部份-沖涼
職員示範整個沖涼嘅步驟..
包括抱BB嘅手勢同埋要注意清潔嘅部份
每一位參加者都話分配一個膠BB
我可以跟住Miss學習同BB一齊沖涼

Zone D@Sleeping
之後就介紹佢哋瞓晏覺嘅High Chair
今次介紹嘅呢將椅都令我有心動嘅感覺
因為佢係電動搖籃可以令到BB有94%入睡率
而且佔地地方細️
一張椅多種功效️
適合香港細小蝸居
已經即刻問職員價錢好想訂

而主辦單位好好提供QR code
活動過後新手媽媽可以上網訂購而且提供折扣優惠

>>最後活動完結之前
仲有影大合照時間同埋抽獎
今次好好彩抽中禮物耳溫計(好實用)
另外每一位新手媽媽填完問卷之後都有一個禮物包

今次講座有別於一般唔同
最開心佢有體驗環節
可以即場應用學習技巧
而且做錯左~仲有人提示️
對於新手媽媽黎講
學習內容非常實用

希望嚟緊可以參加更多呢類型嘅講座
好好襯九月預產期前裝備自己
Ready to be mum

分享到:

Leave a Comment

Your email address will not be published. Required fields are marked *