分享到:

最近係Facebook及各個平台都會睇到一篇報導,

報導內容係講述一歲小B既牙齒已經爛晒,

並且係報導內配以一張令人為之而寒既爛牙相片,

因為報導既內容及照片令到該篇文章不停被各個育兒平台所轉載,

亦令爸媽們為之震驚,怕自己既小B們他朝有日都係變到滿口爛牙。

(圖片為網上截圖)

雖然報導內容指出既地點係澳洲,

但對於小B們爛牙既問題,爸媽們始終都會擔心,

所以見到好多爸媽都會留言問「可以點預防?」「係要戒夜奶嘛?」之類既問題。

以前教Playgroup既時候,同幾位外籍教師閒談間都講到幾個問題:

「會唔會俾小B食甜野?」

「幾時先會俾小B接觸/食甜野?」

一般而言,大多數家長都會俾甜野小朋友食,無論咩地區咩國家,

都會俾糖、汽水等小朋友。

而就自身經驗及幾位外籍教師朋友所講,

都唔太主張係小B們兩歲前俾甜野、汽水、糖之類俾小B,

而原因好簡單:

都係怕小B們過早食甜野,而令小B們對正餐既興趣減少;

再者就係對身體及牙齒都影響,

所以個幾位外籍教師同我自己都唔會主張俾小B係兩歲前食甜野,

但有一樣野就必須從小B們細個就培養,就係:注意口腔清潔!

其實打從小JM細個個陣我地已經會幫小JM係每晚飲完睡前奶後清潔口腔架啦,

因為清潔口腔既習慣係需要從小就養成,慢慢培養

慢慢再教導小B學習刷牙,從而加強小B對口腔清潔既認識。

舊文回顧:C。J の 爸媽手記。小B口腔護理你要知

隨著小JM漸漸長大,

我地決定係小JM一歲左右就慢慢教佢刷牙,

當然,剛剛開始一定唔識,只係玩玩下咁,

所以爸爸媽媽就要再幫手抹下/刷下牙仔,

到小JM而家十六個月啦,已經開始識自己刷牙仔,

但好多時爸爸都會循例都刷多次,

以確保牙齒既清潔!

為左令小JM可以學習刷牙及了解口腔清潔既重要性,

媽媽我就買左幾本唔同既書去配合小JM唔同階段既學習需要,

等小JM可以由淺入深咁從玩樂中學習及了解口腔清潔,

仲可以學習埋日常日活既簡單知識添。

以上呢買本書分別係小JM 九個月、十二個月左右時買既,

無他既,主要都係為左吸引小JM既學習興趣為前題,

係小JM約十個月大左右,我地就俾左兩本布書佢玩,

目的唔係要教小JM去做啲咩,

而係俾小JM自己「隨意、隨心」咁玩,等小JM發掘一下。

之後再慢慢從中再滲入一啲小教學。

《Twinkle, Twinkle, Elmo!。A Bedtime Book》

呢本布書好岩俾小B玩,可以練下手指靈活度之餘仲可以教小B日常生活事。

可以話到俾小B知道臨訓前要做啲咩。

例如:沖涼、換睡衣、收拾玩具、刷牙等。

可以慢慢教會小JM學習收拾物件,整理好自己玩完既玩具。

最重要可以教導小B睡前要刷牙,以保持口腔清潔。

當小JM已經對基本認知已有一定認識個陣,

我地又俾左另一本更趣味性既布書俾小JM -《Lullaby and Goodnight》

小JM好喜歡呢一本布書,有時仲會帶埋出街添。

因為呢本書有個小手挽,方便小朋友拎住,

而且設有拉鍊,唔駛擔心書入面既小配件會跌晒出來。

呢本書既主角係一隻BearBear熊,

小JM而家已經識得點樣去照顧BearBear熊啦!

臨訓前會俾牛奶BearBear飲 (但有時飲完唔知點解會掉走左個牛奶配件)

會幫BearBear 「刷刷刷」(即係刷牙仔)添。

呢本書另一個特別之處就係隻BearBear熊真係可以拎出來玩,

可以幫BearBear熊沖涼同換睡衣添架。

(小JM仲未識幫BearBear熊著衫,多數幫BearBear沖完涼就俾媽媽幫BearBear熊著)

BearBear熊臨訓小JM仲會話:噯噯豬呀

而通常我地玩完一輪都會去食奶奶、刷牙就訓覺。

所以小JM知道BearBear熊訓覺個陣,大家都係時候要休息,要訓覺。

隨住小JM既成長,我地亦預備左兩本著重刷牙既書俾小JM。

希望可以從中加深小JM對口腔清潔及注意刷牙既重要性。

《吃飽飽 刷刷牙》

一本日本著名既有趣繪本,

描述三位小動物一齊食野、一齊刷牙同漱口,

以保持口腔同牙齒清潔,牙齒仲好白雪雪添。

呢本書最大特色係書頁可以活動式掀,變成好得意既小動畫,

可以吸引到小朋友注意。

書中重點主要係教小B們護齒,

教導小B們學會進食之後需要刷牙及漱口以護理牙齒,

咁樣牙齒先會變我白雪雪亮晶晶。

而另一本書就係《我愛刷牙》立體書。

內頁附有幾枝小牙刷,雖然只係以厚紙造成,但外形不錯,也能吸引到小B注意。

書中含有小掀頁,亦有小鏡子。

有助增加小B對書本及刷牙既趣味性同興趣,

同時令小B可以更加投入去了解書本。

爸爸媽媽們亦不妨俾小B試下用BB牙刷去學習刷牙,

係玩既同時亦可以學習及認識刷牙既重要性。

慢慢俾小B學習,慢慢去適應。

從日常中教導小B刷牙、洗面、穿衣、收拾玩具等

漸漸你會發覺小B會係不知不覺間學會更多,學懂更多,

同時亦意味著小B已經長大了!

 ESDlife靚太Club  星級榮譽會員  sleepyceci  

 BK Milk。親子語。駐站Blogger   傑。斯與晴  

 Mami Buy香港媽咪幫。駐站Blogger  傑。斯與晴 

 OhpamaOh爸媽。駐站Blogger   傑。斯與晴  ♪

 媽媽經  駐站精選Blogger  ★ 傑。斯與晴   ♬

  Ubaby Magazine。駐站Blogger   傑。斯與晴  

 

歡迎追蹤 小JM 既Fanspage 「傑。斯與晴」:

如有任何查詢/合作,歡迎聯絡我同小JM 參與產品試用或者各樣活動

媽咪既Email係: sleepyceci@hotmail.com

小JM既Facebook Page: 傑。斯   與   晴 (Jolie Babe。小JM の 成長印記)

分享到:

Leave a Comment

Your email address will not be published. Required fields are marked *

會員登入