分享到:

薯BB出世後的三日兩夜..

對於新手媽媽的我來講,
未生之前不斷諗我冇可能1個人湊得掂佢….
因為乜都唔識…. 但事實係做左人媽媽,
好多野都唔可以話唔識就唔做,
同埋都好多謝聯合醫院既所有醫生,姑娘同埋姐姐
佢地都好細心教我點做人媽媽, 餵奶, 換片~
所以真心覺得政府醫院生小朋友都唔差*

仲好記得生完之後我響產房一個鐘休息
薯爸爸就響出面呆等…. (個傻佬電話壞左又唔敢走開)
到我差唔多可以上病房時我又比人掉左響走廊等人推上房….

到上返病房因為頭8小時唔可以落床, BB響探病之後會比人推走,
依個時候媽媽應該好好休息,
唔好好似我咁掛住玩電話唔訓教..
因為之後你就唔會有得好訓……
但未落得床, 點餵BB呢?
就係到時到候姐姐就會抱BB比我訓響度餵佢,
但我BB太爛訓豬.. 成日啜啜下訓左…… XD
不過姐姐都話比佢啜下, 等佢慣下點啜~

時間好快就過去…  8小時過去,
考驗即將開始, 首先會有姐姐教點洗傷口,
之後就換病房衫, 過多陣BB就返媽媽身邊喇
零晨3點第一次學餵奶換片, 感覺好神奇,
細細的, 軟綿綿的…. 可愛的…..
姑娘果陣就教每次餵一邊, 45MINS
45分鐘過去, 又推返去病床旁邊,
每隔4小時就去學餵奶,
學左我諗3-4次左右啦, 姑娘就會叫你響床餵,
沖涼就一日一次, 就由姐姐幫手沖既,

每1日既早上醫生都會睇傷口同問情況,
而BB都有2次見醫生,
最尾果次CHECK完黃膽冇問題就可以出院,
不過多數第二日就要去健康院繼續CHECK住個黃膽
而我薯BB都唔知叫唔叫好彩,
出院1日第2日因為黃膽去到300幾又入院照燈

果晚我喊左好耐…… 不斷諗係咪自己D人奶唔夠飽?
係咪餵得唔夠? 係咪自己做我唔好?
好彩老公明白我. 仲鼓勵我, 我先冇咁唔開心

但因為我想佢快D退黃所以響醫院係飲奶水
你可以揀用杯定用奶咀, 但我怕佢飲慣奶樽唔肯埋身,
所以我揀左用杯, 同埋我有時間就走左上去餵人奶,
但原來我餵左幾日都唔識餵…. 姑娘見到就由頭教我,
留意返依個姑娘係兒童病房既姑娘~
教我更細心,更好,因為我已經比薯b 啜到損哂加流血….
到果刻先知如果啜得岩係唔會痛….
真係教識左我先比我走, 所以好多謝佢教識我~!!
而BB第2日都可以出院喇~ 🙂 放心哂~~

不過出院後回家又係另一挑戰! 各位媽媽都要加油~

宜家BB就快2個月~~~肥肥白白好健康** 🙂

如有任何查詢/合作/産品分享/活動邀請,歡迎聯絡薯媽媽 
Email:apple_woo_ki@yahoo.com.hk

Facebook: 

https://www.facebook.com/MrandMrsKwok1029/


~~謝謝大家~~

分享到:

Leave a Comment

Your email address will not be published. Required fields are marked *