分享到:

作為在職媽媽,

雖然公、私兩忙會好疲累,
但仍然期待每日放工趕返屋企見小JM,
對於幫小JM沖涼同餵食飯呢啲親子時光,我依然樂在其中
家中雖然有外傭可以幫忙,
但從來我都唔喜歡、唔鍾意將「親子時光」假手於人。
只要自己做得到既,都會盡量自己做,
為既就係想多啲時間陪小JM,
見證小JM既成長。
「洗白白」,可以話係產後復工之後每日放工最期待同小JM做既事,
(除左埋身餵奶以外啦當然)
因為係浴室幫小JM沖涼個陣,
浴室就會變成我同小JM既小天地,
我會為小JM慢慢沖涼、刷背、同唱歌仔,
小JM亦會表現得好開心,
所以「洗白白」既相處時間真係好正架!
講開沖涼,你地又會點同小B們沖涼呢?
會預備啲咩?會點沖法?
不如又一齊來開心Share一下啦!
 沖涼 Do’s N Dont’s
其實初生小B們每一日只係需要沖一次涼就夠架啦,沖太多反而會傷害左皮膚架。
因為小B們皮膚既新陳代謝同皮脂分泌多,所以會容易積聚左污糟野,
所以媽媽們要每日為小B們沖涼,以保持身體及皮膚清潔。
-盡量安排時間定時沖涼
-盡量唔好係小B岩岩訓醒既時候沖涼,可以試下沖涼前半個鐘先叫醒小B,
    同小B玩一陣先,以免一訓醒就落水會嚇親小B
-唔好係食完奶/食完野之後沖涼,需要休息至少一個鐘先好沖涼
-要保持浴室空氣流通,溫度唔低於攝氏20度,以免小B冷親
-水溫盡量為攝氏38度 至 40度 之間,太冷或太熱都不適宜
-沖涼時間避免過長,最好唔多於十分鐘,以免小B著涼或者玩太耐水會太攰
爸爸媽媽們要緊記係小B沖涼之前就要預備好晒小B要用閱物品,同睡衣,
咁樣就會好好多,唔駛怕會冷親小B啦!
為小B沖涼預備咩好?
既然係幫小B沖涼就緊係要預備以下物品/用品啦!
-嬰兒浴盤
-浴網(如有需要)
-水溫計(如有需要)
-沖涼玩具(如有需要)
-嬰兒沐浴露及洗頭水(小JM用2in1, 所以一枝就攪掂)
-沖涼用大紗巾
-浴巾(沖涼後用來包住小B同抹乾身)
-睡衣一套
-尿片
當預備好晒要用既野,又較好晒水,就可以帶小B去「shower shower」啦!
 沖涼次序應該係點?
初生小B篇:
(隨住BB越來越大,以下步驟就會越來越輕鬆~
1.)先較岩水溫,再以手肘或者水溫計測試水溫
以免水溫過熱燙傷小B 或 水溫太凍而著涼
2.)我會將小B既衫除剩一件底衫,再用毛巾包住去沖涼
3.) 先幫小B用紗巾洗面,等小B知道將會沖涼
*(要依次序由眼睛、額頭、面仔先再到口,有需要都可以再幫小B刷刷牙去脷苔既)
再以欖球式抱住小B,以手托穩頸部及頭部,以手臂夾穩小B腿部,以防小B掙扎而甩手
4.)穩住小B之後就可以用水慢慢整濕小B頭髮,再用洗頭水清潔及沖洗
完成後就可以放小B入水玩,開始正式洗白白啦!
5.)記我要慢慢將小B放入水中,腳先落,等小B知道要落水玩,
       唔好一下子就放小B入去,怕嚇驚小B。
落水後就可以用單手,扶住小B手臂與腋下,以防小B跣入水中。
6.)扶穩晒就可以慢慢幫小B沖涼啦,記得連頸仔、腋下、大脾仔既摺位都要洗乾淨呀!
7.)洗完晒正面就要慢慢將小B轉身,沖背部同PatPat仔。
如果怕跣手,可以俾小B趴係媽媽手臂上面,以增加小B安全感。
但要注意小B頭部唔好太接近水面,要注意安全!
洗PatPat最緊要清潔好以免有便便留低。
8.)當完成晒Shower Shower之後,就可以用毛巾包裹小B,以印乾多餘水份
最後就緊係即時著返件靚靚睡衣啦!
當小B長大左之後媽媽係沖涼呢個環節就會再輕鬆一啲,
因為小B識坐之後就唔會再依賴左趴係媽咪度,
媽媽就可以更快手咁幫小B shower!
雖然每日返工好攰,
但返到屋企開們見到小B笑住咁對住你個陣,
其實真係好sweet好warm。
當下真係會有一種 “Home sweet Home”既感覺,
可以令人即時忘記公事上既煩惱。
或者放工後要同小B沖涼、餵飯(或埋身)係攰係辛苦,
但只要見到小B既甜蜜笑容就即刻「值回票價」啦!
真係咩都抵晒。
只要你真心為小B付出,小B絕對會收到你既心意,
同時小B亦會作出相對既回應,
因為小B們係最直接既一群!
加油呀,各位在職爸爸、媽媽們!
出賣小JM。。。。小JM浴照

♫ ESDlife靚太Club 。 星級榮譽會員 ★sleepyceci  ♬

♩BK Milk。親子語。駐站Blogger  ★傑。斯與晴  ♪

♫ Mami Buy香港媽咪幫。駐站Blogger ★傑。斯與晴  ♬

♩Ohpama。Oh爸媽。駐站Blogger  ★傑。斯與晴  ♪

分享到:

Leave a Comment

Your email address will not be published. Required fields are marked *

會員登入