分享到:

我好明白做左父母想安安樂樂坐係度食餐飯, 真係唔係咁易,  想係5星級酒店慢慢坐係度嘆反個SUNDAY BRUNCH好似無乜可能?

哈~ 錯啦!!!!!!!! 原來有間酒店明白到我地呢D父母既心聲, 每個星期日都會推出SUNDAY BRUNCH, 岩晒一家大細一齊去, 因為BUFFET進行期間酒店會開放一間遊戲室比小朋友玩樂, 入面有大大張豆豆SOFA仲有好多玩具、電子電腦比佢地玩, 最好係房入面有職員幫手照顧小朋友, 咁爸爸媽媽就可以舒舒服服坐係度放心食野啦 ^^

首先介紹下有咩食先, 呢個SUNDAY BRUNCH算係半自助餐形式, 行貴精不貴多路線, 佢唔算好多選擇, 但你想食到既野基本上都會有 (最可惜既係無刺身囉…..>.<), 頭盤有多款不同HAM & CHEESE, 仲有幾款沙律可供選擇

最開心係有即開生蠔….(爸爸媽媽們想回本主要睇你食到幾多隻啦~哈)

餐廳出名意大利菜, 即製PIZZA不得不試, SUNDAY BRUNCH會間中換唔同口味, 夠薄夠脆, 大人食3-4塊都唔會覺得好溜, 我家小朋友自己一個都食左2塊呢~哈!!

每枱每個大人都會有張號碼飛仔, 拎住張飛仔, 可以去ORDER各款唔同既意粉, 廚師整完WAITER會親自將熱呼呼既意粉放到你面前, 好味啊!! 除左自己出去拎食物, 另外其實每位仲可以獨立叫一個MAIN COURSE 及包一杯飲品。

食物暫時講到呢度, 家長可能最關心小朋友玩樂部份, 首先我地食緊野既期間, 有個小醜哥哥親切地過來我地張枱, 同d小朋友傾下計, 同埋樓汽氣比小朋友玩, 槍、劍、盾牌、免仔、狗仔、飛機、卡通人物等等, 只要你講得出口小醜哥哥都會盡量滿足小朋友要求

當日餐廳唔算好多小朋友, 小醜哥哥每人樓左2-3個汽球比佢地, 小朋友拎住d汽氣周圍玩, 超開心呢^^

酒店有一間遊戲室比小朋友係入面玩, 入房前記得先除鞋, 房內有好多張豆豆SOFA., 部份地下有軟墊, 適合BABY們係地下趴趴趴. 如果媽媽們唔放心, 可以BOOK枱時叫餐廳盡量安排近遊戲室既位置坐, 咁萬一小朋友係入面打交都即時可以入面解圍呢~哈哈哈

房內有好多不同玩具比小朋友玩, 仲有大量圖畫比小朋友填顏色, 房內有個職員姐姐係度幫手照顧小朋友, 如果好似我咁小朋友有反2歲以上, 家長們可以放心比小朋友自己玩, 自己出去嘆下美食, 不知幾爽 :p

男孩子對電子玩具始終較大興趣, 遊戲室最受歡迎應該都呢幾部電子電腦遊戲, 小朋友玩樂時學習, 哈~又有機會遊戲中學好英語啦

小朋友玩到攰終於記起自己肚餓, 自助餐永遠最吸引小朋友都係甜品部, 生果不停供應

甜品蛋糕款式不多但都好精美, 而且唔太甜

另一回本之作就係任食MOVENPICK雪糕啦, 唔止小朋友見到開心, 連我都食左3大杯啊 HAHAAAA

朱古力噴泉小朋友玩完一次又玩一次, 己經計唔到佢地食左幾多枝士多啤梨朱古力囉~哈

最後一提, 一間好既親子餐廳, 一張好既HIGH CHAIR絕對不能少, 呢款HIGH CHAIR雖然普通, 但困得住我呢隻小MONKEY我己經好滿足, 小朋友坐好一於佢有佢食, 我有我食, 佢同佢D朋友仔傾下SUPER HERO, 我同朋友傾下SHOPPING, 爸爸同朋友傾下財經時事. SUNDAY BRUNCH由11AM食到3PM, 今個SUNDAY真係多RELAX… 多美好哦! ^^

海風餐廳 Mistral
尖沙咀海景嘉福酒店B2層
大人價錢: $488
小童價錢: $298 (3歲以下免費)
(部份銀行信用咭有8拆)

大家有任何意見或產品試用歡迎與我電郵聯絡: ppqq1437@yahoo.com.hk

歡迎Follow FansPage: www.facebook.com/1437ritaandhim

其他BLOG分享包括blogspot, Weshare, sheblog, theZtyle, beautyexchange, blogselle, mamibuy, classesweplay, esdlife, ublog, QOOZA, iTrial, openrice…等

分享到:

Leave a Comment

Your email address will not be published. Required fields are marked *