分享到:

Sunday family day ,難得嶠爸星期日都有假放,雞蛋仔又仲未出黎,當然要爭取時間陪下家姐仔芊嶠去玩下,放下電,今次仲約埋同年同月同日既朋友仔穎穎,同埋穎爸穎媽一齊去位於元朗既448農莊。

我地係鑽石山就搭268C巴士,去到朗屏西鐵站,join埋穎穎一家,其實搭西鐵去都好方便,之後再搭的士入農莊,但因為我地一行4大兩細,仲加兩架bb車,所以就要分兩架的士先入到去,十令分鐘就到達!

去到係門口就同熊貓影返張相留念下先,入到黎就有少少花海係側邊,比小朋友影下相,都幾靚!之後就當然要去單車同巴士到影相留念啦,芊嶠禁細個都有機會做司機,正

之後去巴士後面就有免費爆谷拎,農莊叔叔仲會送野比小朋友,有風扇、有飛機,都幾貼心 食完就周圍去影下相,有d活動就要大少少既小朋友先岩玩。

我地仲預先預約左整土窯雞,醃雞哩個禁重要既工作梗係留比嶠爸啦 醃完留低電話,職員拎去燒,燒完就會打電話call我地去拎,因為星期日人多,所以都要等得耐少少!等左個幾兩個鐘就有得食,當食下午茶,食唔哂又係嶠爸執手尾食埋 隻雞熱辣辣,個皮燒到脆卜卜,正呀

仲正係佢有野餐區,有一個個帳篷,又有凳仔比我地坐,又或者帶野餐墊都可以坐係草地到!又可以踢下波仔,玩下吹泡泡!我開頭仲怕玩吹泡泡會唔好,點知原來都可以

今日天氣都 ,唔算太熱,又有d風,嶠爸著背心短褲去玩真係good good good 但要去既媽媽記住要幫小朋友做好防蚊同防曬措施,因為始終戶外地方,要令小朋友玩得開心又放心 黎緊下星期復活節長假期,四日都已經full-booking喇!想帶小朋友假日去,可能要提早預約喇

農莊是需要預先預約,如有任何查詢/預約可WhatsApp ☎️6684-1448 ☎️

448農莊 收費表

營業時間:9:30am-5:30pm
農莊地址:元朗欖口樹欖堤東路直入到尾(Google 可以search 448農莊 )(係元朗體育路去到欖口村路,再轉入欖堤東路盡頭就到448農莊。而坐的士既朋友同司機講「欖口村,欖提東路一直入到盡頭」)

入場收費
$50/位 進場自由參觀
➕另加 $30/位 可參加導賞,介紹農莊幾款新式種植方法。(每日有四場.指定時段)
滿3歲大小同價

項目收費
$25/位 定點射擊(100發bb彈)大
– ‼️限半小時內完成 ‼️-

燒烤爐 $250/日(不包起爐)
不設晚間燒烤,如有需要可詳談。
– ‼️如需要代購燒烤食物請提前通知 ‼️-

土窯雞工作坊 $250/隻
(包括雞一隻,一齊醃製雞,一齊生火,一齊烤雞。)

自制雪糕工作坊 $50/份材料
✏縮畫工作坊 $50/份✏
✏焗畫工作坊 $55/份✏
(所有工作坊需提前預約 )

分享到:

Leave a Comment

Your email address will not be published. Required fields are marked *