傑。斯與晴

在職80後情人節媽媽與元宵節寶寶的相遇。 新手媽媽細數生活中點滴動人時光,紀錄及分享育兒小心得、親子旅行及購物分享。 FB專頁:傑。斯 與 晴 (Jolie Babe。小JM の 成長印記)

教材分享。不唸PN班的娃│認識身體及情感表達(含VIDEO)

雖然說小JM並無入讀PN班,但我閒時在家裏亦會教小JM一些日常事物。 早前已經透過唱遊教會小JM認識身體各個基本部份, 最近我亦為小JM製作了一套有關認識身體及情感表達的小教材, 希望可以加深小JM對身體各部份的認識,以及利用教材鼓勵小JM勇於表達自己的情感。 VIDEO: 剛剛提到,最初我會以唱遊形式教導小JM認識身體各部份,並由最基本的開始認識。 以下選了幾首都是與身體部份相關而且不同程度的兒歌給大家參考, 家長不妨與小朋友一同從唱遊中學習喔。 (圖片為YoubTube截圖) Head, Shoulders, Knees and Toes | Nursery Rhymes | Learn Body Parts with Baby Panda | BabyBus 主要認識: Eyes 眼, Ears 耳, Mouth 口, Nose 鼻, Head 頭, Shoulders 肩膀, Knees 膝, Toes 腳指 One Little Finger | Nursery Rhymes and Baby Songs from Dave and …

教材分享。不唸PN班的娃│認識身體及情感表達(含VIDEO) Read More »

小JM愛玩樂。反轉西港城。《旗•珍貳寶》親子體驗日

我同小JM剛剛過咗一個非常充實及有意義嘅週末,仲嘗試咗前所未有嘅新體驗添。 早前收到邀請出席一個富傳統特色嘅活動,呢個活動結合咗「旗袍」及「珍珠」元素。 是次活動題名為《旗•珍貳寶》,不單蘊含著豐富嘅傳統文化色彩,而「旗袍」及「珍珠」亦係極佳嘅配搭,兩者既能彰顯出東方女性嘅優雅、高尚及內涵兼備嘅一面,亦能互相襯托、互相輝映。可以話係具色彩嘅瑰寶。 今次體驗日係由「No.8」及「福井真珠」所舉辦,地點剛好位於上環德輔道中嘅西港城之內,城嘅內外極具歷史特色,啱晒一眾靚媽及小寶貝一齊影相留念。 VIDEO:  西港城小簡介: 西港城於1906年落成,原本係船政署舊址,後來改做上環街市。 於1991年修建過後,就變成傳統行業及手工藝中心商場。 愛德華式古典建築風格配以紅磚外牆,由花崗石砌成嘅拱頂正門,富殖民色彩。 內場售賣各種特色工藝品、懷舊收藏品及布匹等,都將老香港情懷一一呈現眼前。 【試穿。創意親子旗袍及珍珠配飾】  「No.8」有別於一般傳統旗袍店,除咗有傳統旗袍、禮服、晚裝及婚紗之外,仲有融合傳統與潮流嘅「創意旗袍」,當中亦有親子裝添。 店主更親自為我地講述有關旗袍的資料、種類及分別添。 而今次我同小JM亦有幸試穿呢啲設計獨特而且別具特色嘅創意親子旗袍添! 穿著住旗袍嘅我倆游走於西港城之內,吸引咗唔少途人嘅目光,亦有外國人註足欣賞。 旗袍加上特色建設,的確別俱風格。 除咗試穿創意親子旗袍之外,我同小JM亦親身試戴一系列以珍珠設計而成嘅配飾。 珍珠配飾不單可以配襯旗袍,亦可以配襯休閒服飾,可謂宜古宜今,點襯都咁靚。 【珍珠講座】 今次活動除咗試穿由「No.8」提供嘅旗袍之外,仲有港珠嘅代表「福井真珠」到場為大家講解珍珠嘅相關資訊,同時教大家點樣分辨真假及點樣揀靚珍珠添。 或者唔講你唔知,原來呢啲外表睇落奇形怪狀嘅珍珠原來都可以係價值不菲嘅好物。 俗語話:「人不可以貌相」,但原來連珍珠都一樣。 當日小JM媽仲發現好多靚靚嘅小手飾,原來係俾小B們用架! 啱晒用來百日宴送禮之用,既大方又得體。 【旗袍小手工】 試完旗袍、影完相,仲可以同小朋友一齊製作以旗袍為造型嘅小書簽添。

小JM料理台。BB版番茄洋蔥炆牛肋骨

有時要分開煮大人同小朋友飯餸其實媽媽都幾攰, 幸好小JM從小就好喜歡食蕃茄及洋蔥,而且對蔬果類都特別易接受, 所以今次就決定要煮一個大人同小朋友都啱食嘅餸, 而且最好係可以百搭一啲, 配飯又得,配意粉又得,配烏冬都一樣得! 咁樣選擇就會變得多咗添! 無錯,今次我決定煮【BB版蕃茄洋蔥炆牛肋條】! 材料: 牛肋條 一條 蕃茄 兩至三個 洋蔥 兩個 紅蘿蔔 一至兩條 (可因人數而加減份量喔!) 做法: 1.) 牛肋條需要預先解凍及洗淨 2.) 煮滾一鍋水,加入迷迭香葉及牛肋條汆水,再撈出瀝乾,備用 3.) 將蕃茄、洋蔥及紅蘿蔔洗淨,並切成小塊 4.) 將嘅蕃茄、洋蔥及紅蘿蔔放入已預熱嘅鍋中稍為炒香      *可預先留起1/3嘅蕃茄及洋蔥後下* 5.) 再將牛肋條放回鍋中一齊炆 6.) 可加入少量水、冰糖及豉油稍作調味 7.) 待大滾之後就可以轉為細火慢煮約45分鐘即可 8.) 將先前預留嘅蕃茄及洋蔥放入,再煮15分鐘即成。 小分享: * 如果只係大人食的話,可以加入茄膏令味道更濃 * 可按個人喜好隨意加入薯仔一同煮喔 * 為免造成黏底,記得間中攪拌一下喔 * 選擇烏冬的話可以選鈉含量較低嘅品牌

【媽媽的迷思】媽媽手的成因及改善方法

打從懷孕開始媽媽們就已經需要承受著各種不同挑戰,但為咗小寶寶,媽媽卻一關過完又一關。 生產後坐月時,媽媽亦不忘照顧小B,不管餵奶、換尿片還是沖涼都必定親力親為,從沒鬆懈過。 當全職媽媽以後更甚,發覺除咗要照顧小JM之外,亦要懂得「偷時間」才可以將家務遂一完成,包括要煮飯、洗衫及打掃等。 記得曾經俾小JM啜損咗一邊,攪到唔敢親餵唔敢泵,有成個星期都係用右手擠奶,結果發覺拇指及手腕感覺疼痛,先驚覺自己原來可能已經被「媽媽手」看上。 而家偶爾帶小JM外出玩樂過後,雖然換來安睡寶寶,但要抱住熟睡嘅小JM對我來講絕對唔係一件易事。 女人唔易做!媽媽亦唔易做! 不論在職或全職同樣亦背負住對小朋友及家庭嘅愛,媽媽們辛苦啦! 何謂「媽媽手」? 原名為「迪魁文氏症」,因為患者大多數都係已為人母,所以又被稱為「媽媽手」。 由於長時間大拇指伸展動作不當,就會令到手腕出現疼痛及發炎,仲會因此而影響到手部活動能力添。   「媽媽手」嘅徵狀   - 拎嘢及轉動手腕會有疼痛感, - 姆指郁動時疼痛,連想俾個「讚」嘅手勢都做唔到覺得痛 - 嚴重時患處會紅腫發熱並疼痛 *上圖就係小JM媽隻左右手,明顯地見到右手係俾唔到「LIKE」 其實想知道自己有無患上「媽媽手」係可以自行做以下伸展動作初步檢查一下嘅,步驟亦好簡單: 1.) 將手臂伸直,手指亦是 2.) 將姆指貼於掌心之內 3.) 另外四隻手指包著姆指,握成拳頭狀 4.) 將拳頭向下壓 如果係向下壓嘅時候已經覺得拇指有疼痛感,就有可能患上媽媽手架啦。 咁就可能要去求醫或做多啲以上嘅伸展運動啦! 最近係電視廣告見到鼎爺推介幾款炎痛消熱灸帶,於是小JM媽就上網八掛下啦。 原來「炎痛消熱灸帶」用咗針灸原理來幫助促進血液循環,以達致舒筋活絡以效。 而且具有熱力滲透之效,有助迅速舒緩痛楚,令關節靈活輕鬆,同時亦適合日常護理關節之用。 仲好好彩俾我揾到啱用嘅「熱灸腕痛帶」,可以舒緩一下我手腕嘅不適。 除咗腕痛帶之外,其實我仲幫小JM爸揀咗一條「熱灸肘痛帶」添。 小JM爸係喜歡打籃球嘅人,有時少不免都可能會整親撞親, 有時操完體能又會造成肌肉痛,所以肘痛帶就啱晒。 「炎痛消熱灸帶」用法簡單,只需將小圓點以水沾濕,再包裹患處就可以。 以小JM媽敷手腕位置而言,約15分鐘左右就已經感動有溫熱感,咁就可以將腕痛帶除低架啦。 閒時唔沾水其實都可以當護理式保護之用,亦算不錯喔! 產生溫熱感嘅時間亦因人而異,而且不同部位亦會有不同時間喔~ 因為小JM爸用肘痛帶要大概20零分鐘先有反應喔。 小JM媽用後感: 最得意係敷完之後有啲桔桔地嘅感覺, 熱度都幾夠唔錯,而且好舒服架喎。 用咗個零星期,明顯姆指及手腕疼痛已經減退, 而且拎完重物都無話有特別唔舒服嘅感覺。 平時唔介意亦可以當護腕用,都唔錯呀! 最重要係我可以再俾「讚」啦嘛! 希望我可以飛甩隻「媽媽手」啦! 而小JM爸就話覺得用咗一排關節位好似輕鬆咗、靈活咗,無再咁繃緊。

【媽媽的迷思】母乳餵哺與正向心理小分享+茶聚

好開心早前參加咗由 Philips AVENTS所舉辦嘅「母乳餵哺與正向心理發展」分享會。 當日大會仲請來嬰幼兒心理學家何善韻博士同一眾靚媽作分析及分享添。 於分享會上,媽媽們都以「過來人」嘅身份分享餵哺母乳嘅迷思同壓力。 小JM雖然已經兩歲幾,但仍未斷奶,偶爾仍然會對「媽媽奶」有所需求,或者小JM需要嘅係一份媽媽所給予嘅「安全感」。 我曾經對餵哺母乳產生過迷思同壓力,亦沮喪過、氣餒過、傷心過; 可幸嘅係我喺母乳路上能夠得到小JM爸及媽媽嘅重大支持,令我可以慢慢從失落擔憂中走過來。 老實說,初為人父母定必事事擔憂,更何況我曾經因為小產而失去過,所以我同小JM爸喺知道有咗小JM之後的確比以前更小心,遇到有自己唔明白、唔清楚嘅事都會直接向醫護人員或助產士查詢了解一番。 小JM出世以後我亦曾經因為長輩們對母乳有所誤解而有壓力,長輩們無心嘅說話頓時令我傷透心,亦曾經擔心重投工作後奶量大跌。 所以懇請長輩們「口下留情」,千萬唔好衝口而出講咗類近嘅說話: 1.) 「你咁瘦,邊有奶架?餵奶粉好過啦!」 2.) 「俾盡你餵到三個月都好啦!」 3.) 「BB要照燈即係食唔夠啦,要補下奶粉,去黃疸快啲架!」 4.) 「母乳唔夠營養,唔好味,所以BB唔食!」(剛好正值小JM厭奶期) 5.) 「BB成日口仔郁郁,一定係唔飽,補下奶粉好啲。」 6.) 「(對BB講)都一歲/兩歲啦,仲食人奶?好醜呀!快啲戒咗佢!」 7.) 「已經一歲/兩歲就唔好鬼餵啦,咁痴身。第時點返學?」 分享會之上小JM媽舊事重提,依然有所感受因而一時感觸,以致眼紅鼻酸,真係失禮啦。 今次分享會其實小JM媽亦有所得著,令我明白到餵哺母乳之路雖然艱辛,但只要以平常心去面對餵哺母乳所遇到嘅問題及困難,母乳路就自然更得心應手。 而且聽完專家及其他媽媽分享之後,亦明白到餵哺母乳嘅產品都會影響到餵哺嘅成效,所以喺選擇產品之前可考慮一下:舒適度、相容性高及切合個人需要嘅產品。 我亦寄望如果再生小B嘅時候亦可以繼續堅持以母乳餵哺。 小JM媽嘅小小心得分享: 產前篇: 1.) 遇有疑問時,不妨向助產士或醫護人員查詢及了解 2.) 向其他媽媽取經 3.) 了解如何準備餵哺母乳 4.) 多讓爸爸參與及了解餵哺母乳嘅資訊 產後篇: 1.) 切忌太完美主義,壓力影響心情,心情影響奶量 2.) 應維持正常社交,擁有屬於自己嘅「Me Time」 3.) 盡可能多休息,照顧好自己先可以有能力湊BB 4.) 多讓爸爸參與照顧小B、做家務等 除咗以上嘅小分享以外,其實餵哺母乳亦機會需要預備一啲周邊產品以作輔助,例如電動奶泵、母乳儲存杯、熱敷/冷敷護乳墊、乳頭保濕滋潤霜等,對當時仲係在職媽媽嘅小JM媽亦有好大幫助喔。 小JM媽好開心可以參與今次嘅分享會,亦好欣賞今次活動嘅概念,真正可以提供到一個機會俾準媽媽及一眾靚媽去互相分享及交流喺餵哺母乳上所遇到嘅問題及憂慮之處,同時亦俾機會我地向專家了解及尋找意見,係一個好值得參與嘅活動,希望日後仲有多啲同類型嘅分享會啦。 大家有興趣都可以Click去睇下個活動嘅精彩片段呀! #媽媽坐埋一齊傾下計 #媽媽經 #只有媽媽有共鳴 …

【媽媽的迷思】母乳餵哺與正向心理小分享+茶聚 Read More »

小JM愛玩樂。夏日消暑活動。夏日黃金WATER FUN

今年未踏入暑假就已經熱辣辣,而家八月就簡直熱到溶咗。 唔通「夏日炎炎真係要眠?」錯!錯!錯!簡直就係大錯特錯! 咁好陽光就緊係出去同陽光玩遊戲兼玩下水啦! 我地小JM家今日同朋友仔一齊去咗黃金海岸,仲玩咗「夏日黃金 WATER FUN」添 呀。 喺炎炎夏日一齊同朋友去玩嘅好去處,你都快啲一齊去撲水啦! 活動小簡介: 「夏日黃金WATER FUN」活動係由 We嘩 充氣嘉年華 所舉辦, 係一個適合一家大細玩去玩樂玩水嘅暑期好去處。 而且活動內容非常豐富,設有多個不同區域,濕晒身咁玩就夠晒消暑啦。 而全場最曯目嘅莫過於一條80呎嘅全港最長水滑梯,真係刺激滿FUN! 事不宜遲,一齊去片睇下有幾好玩啦! 睇完片之後係咪更加心郁郁呢? 等我地再為大家來個小介紹,睇完可能你會急不及待要去買飛。 但記得唔好錯過後尾嘅至抵購票優惠呀! 不過玩時玩都要注意安全及做足預防措施嘅! 溫馨提示 ????記得搽防曬 ????記得補充足夠水份 ????記得帶定多套衫及泳衣 ????全港最長嘅80呎水滑梯 好玩指數:***** 小JM媽亦都親身試玩咗,真係夠晒刺激,速度感一流,臨尾濕物位都有驚喜,會淺起浪花。 ????蘑菇動感水世界 好玩指數:**** 如果小朋友想玩,亦都可以去到「蘑菇動感水世界」度玩小朋友都啱玩嘅水滑梯,高度及速度亦都唔錯架! 另外亦一個巨型糖果屋造型嘅彈床連滑梯添! 而最得意嘅亦莫過於呢間咁可愛嘅糖果屋水滑梯,有得彈跳跳之餘又可以玩水滑梯添! 小JM同哥哥都玩唔停呀。 ???? 激落FUN 外國HIT爆嘅「激落FUN」呢度都一樣有得玩,仲分別設有大人及小朋友版添架,真係啱晒唔同年齡層嘅小朋友呀! 大人版「激落FUN」 好玩指數:**** 其中一位參加者需要坐係大水桶上嘅機關椅度, 而另一位參加者就需要負責投球,務求擊中目標令參加者跌入大水桶之中。 小朋友版「激落FUN」 好玩指數:*** 小朋友版「激落FUN」相對就無咁刺激,但好玩程度一樣咁正!只要用球擊中目標,就可以令人「一盤冷水兜頭淋」! 「激落FUN」既好玩又刺激,仲可以鍛煉小朋友手眼協調、加強腦部及大肌肉運用添; 大人又可以借此減壓,簡直一舉幾得,得咗! ????夏日水上飄 好玩指數:*** 相信呢個項目大家都唔會陌生,一定有見過甚至玩過。 只要進入大滾筒內不斷跑跑跑,就可以圍繞水池一周架啦!都幾考體能架。 不過因為天氣炎熱嘅關係,係筒內少不免就會有啲焗,如有不適就要停低休息啦! ????充氣水世界 好玩指數:*** 場內有一個大水池,池內有多款不同造型嘅浮床、水泡、水槍及水球添架。 …

小JM愛玩樂。夏日消暑活動。夏日黃金WATER FUN Read More »

【簡易夏日消暑湯水】奶媽恩物。清甜勝瓜煮蜆湯

大熱天時又真係唔太想煲老火湯,但又想屋企人有啖清甜湯水飲,點攪好呢? 喺唔知煮咩好嘅情況下遊走下街市都好嘅,仲俾我見到又大又好肉嘅新鮮蜆添! 買來蒜蓉豆豉炒就夠晒惹味,不過今次我就揀咗用來滾瓜湯。 今晚一於整個清甜又消暑嘅勝瓜蜆湯啦! 勝瓜嘅好處 勝瓜亦即係絲瓜,最啱就係夏天食用,既可消暑解熱、化痰止咳又可以疏通經絡,而且仲有美顏嘅作用添架,所以我同小JM都好喜歡食。 同時勝瓜亦係一眾女性及母乳媽媽嘅恩物之一,因為勝瓜對產後乳汁不通、預防乳腺增生及月經不調都有一定幫助架。 當然,孕媽媽及體虛易肚瀉人士就要少食啦! 材料: 勝瓜 一條 蜆 一斤 蝦乾 適量 薑絲 適量 做法: 1.) 先將勝瓜洗淨,再刨去皮及以滾刀切成三角形狀,備用。 2.) 將蝦乾浸至軟身及洗淨已吐沙嘅蜆,備用。 3.) 預熱小鍋並加油,再爆香薑絲。 再加入蝦乾稍為爆香。 4.) 將勝瓜加入蝦乾及薑絲之中,並注入三份二煲水。 5.) 水滾後可加入蜆。 6.) 煮至蜆打開即成,並按個人喜好加入鹽作調味。 其實除咗當湯飲之外亦可以加入粉麵或粉絲一齊食,會更滋味添架! 整湯飯亦得,真係一湯幾食無難度。 小提示: - 為方便拎嘅關係,街市姨姨都會幫你將條勝瓜一分為二,等你唔駛拎得咁辛苦嘅, 如果想保留原條就可以同姨姨講聲喔 - 蜆可以用鹽/生粉加水浸一小時,以便吐清雜質及沙石

那些年的卡通│Sailor Moon月光傳說@The ONE

「我要替月行道,儆惡懲奸」一聽到就已經好有那些年嘅回憶。 Sailor Moon可以話係八、九十後嘅童年回憶之一,當時每個小朋友都會放學趕住返屋企睇,小JM媽我都唔例外。如果你都喜歡「美少女戰士」嘅話就唔好錯過來緊即將係尖沙咀The ONE舉辦嘅「 The ONE x Sailor Moon 月光傳說」大型場景佈置展覽啦! 今日就一於等我地帶小JM去睇下媽媽細個成日會睇嘅卡通啦! 展區一共分為七個不同場景區域,啱晒自拍、打卡同呃LIKE,一定大受歡迎者。 唔單止咁,呢度仲有全球首度展出嘅1:1立體雕像,以及各個受歡迎嘅角色添,當中緊係唔少得「小小兔」同埋「獨角馬」啦,而且仲有深受女性粉絲喜愛嘅「阿禮」添! 事不宜遲,一齊率先睇下各個不同嘅打卡影相位啦! VIDEO: 萌爆Q版場景 喺The ONE地下露天廣場位置擺放咗可愛到暈嘅Q版倩尼廸公主及安狄美奧王子雕像,而且場景仲展示咗佢地嘅訂情信物-「星空音樂盒」添!就好似想同大家一齊分享佢地嘅浪漫愛情故事咁。 喺The ONE UG2中庭更設有一系統嘅場景及小遊戲裝置可以俾大家影相及試玩。 夢想星河主場景 呢個場景集齊晒五位美少女戰士,包括:Super Sailor Moon、露娜貓、Sailor Mercury、Sailor Mars、Sailor Jupiter及Sailor Venus!而且每個雕像仲係以1:1嘅比例造成架,神態亦跟當年甚為神似! 美少女戰士聖杯 既然有美少女戰士又點可以少咗聖杯呢? 場內亦展出咗巨型嘅聖杯裝置,啱晒影相。 聖杯係Sailor Moon變身成Super Sailor Moon嘅變身器,你無理由唔影掛? 仲有亞提密斯都係旁邊架! Sailor Chibi Moon與獨角馬 有Super Sailor Moon當然要有埋「小小兔」Super Chibi Moon啦! 場景仲係小兔同獨角馬相遇嘅情境來架! 禮服幪面俠玫瑰庭園 除咗女主角Super Sailor Moon,仲有一個CHOK到爆嘅男主角「禮服幪面俠」! 禮服幪面俠每次出場都總會有玫瑰,今次嘅場景亦唔例外,將場景佈置成玫瑰庭園,同時守護著巨型嘅「新月棒」! 小JM個Pose真係… …不明所以,唔通係:你你你快跪下? 除咗靚靚嘅場景之外仲有兩個小遊戲可供玩樂添架,想知有咩小禮物就要留心記底啦! 華麗星光傳說。互動遊戲 …

那些年的卡通│Sailor Moon月光傳說@The ONE Read More »

當媽也要靚。【養生。降膽固醇好物】白背木耳露

閒來無事做,當然就係動手整下嘢食,等家人可以滋潤一下,畢竟呢排天氣都唔算太好,係時候要預防一下。聽到近來有報導提及「木耳」,所以小JM媽決定來個自家製嘅木耳露。 認識「白背木耳」 木耳又稱為白背木耳,因為背部呈現白色而且帶有微細嘅絨毛。而木耳嘅體積都比較大,浸發後呈啡色,一般都比較厚身。 「白背木耳」嘅好處 白背木耳被稱為「清道夫」,因為能有效清除血管阻塞物,對心肌梗塞、心腦血管阻塞疾病、降血脂及降血壓有特別療效。唔單止咁,白背木耳仲係女性嘅恩物,有助經前調理及經後補身添架。 【白背木耳紅棗杞子露】 *無將紅棗杞子都打成糊狀,係想保留一啲咬口* 白背木耳 三片 紅棗 適量 杞子 適量 冰糖 少許 做法: 1.) 先將白背木耳以清水浸約一小時至軟身 2.) 紅棗洗淨,剪開並除去核 3.) 杞子以清水稍為浸泡一陣 4.) 待白背木耳浸至軟身後即可以用水煮約三十分鐘,令白背木耳更具膠質。 5.) 白背木耳煮好後即可放至攪伴機內攪成糊狀,備用。 6.) 預先煮好紅棗及杞子。 7.) 待紅棗及杞子煮好後即可加入已攪拌嘅白背木耳 8.) 完成後加入冰糖稍為攪伴即成

【激筍優惠情報】Baby Outlet新張優惠+好物介紹

嘩嘩嘩!好消息! 先前喺旺角嘅BABY OUTLET原來搬咗去觀塘呀! 上次遇啱開倉就同小JM去咗掃貨,今次因為要等爸爸放工又可以去逛逛添。 原來BABY OUTLET已經開咗好幾日添啦! 之前去過開倉嘅朋友仔們都知道BABY OUTLET現址係「麻雀雖小,但五臟俱全」嘅, 今次雖然就無BB車,但就多咗好多唔同嘅用品,而且仲有埋BB衫同哺乳衣添呀。 我就同小JM行咗大半個鐘,仲揾到小JM用緊嘅「絕版水樽」及替換飲管添!真係驚喜萬分! 而最最最重要嘅係新張期內購物可享85折優惠架! (細細聲話你知,個優惠期去到7月31日咋! 要掃貨就要趁手啦!) VIDEO: 事不宜遲,買嘢SHOPPING最緊要快手,唔係俾人買晒就無架啦! 正所謂,俗語都有話:「蘇州過後無艇搭」呀嘛! 即刻為大家介紹一下小JM嘅心水好物啦!買定來旅行搭飛機食就啱啱好! (*以下價錢為未折實之價錢*) 圖中嘅DR BROWNS杯可以話係絕版好物。 揾咗好耐都揾唔到,誰知今次竟然有緣遇上。 呢個樽嘅耐用程度非常高,任小JM點跌點掉都好,完全絲毫無損,頂多只係花咗少少。 相比之下其他嘅樽大大話話都爛左不下四個啦。 而且剛好有埋備用吸管添,真係非買不可! DR BROWNS吸管水杯  HKD$75@(有兩色:粉紅/藍) 備用飲管2套裝連小刷頭      HKD$42@ Happy Bowl                            HKD$140@ (*此為折實價) Bebedang乾乳酪粒 HKD$48@ 設有五款不同味道:原味、蘋果、芒果、藍莓、士多啤梨 Bebedang乾乳酪粒味道香濃幼滑,而且入口即溶。莫講話小JM,就連我都喜歡食。 來緊去旅行當然係必備良伴之選啦。 Bebedang米條/米餅 /泡泡圈 場內Bebedang米條/米餅/泡泡圈其實係有分別嘅,適合不同月齡嘅寶寶。 …

【激筍優惠情報】Baby Outlet新張優惠+好物介紹 Read More »