柯豬媽媽

《吉卜力的動畫世界》香港站

喺你的童年回憶入面,令你最開心的是什麼事? 如果我問自己同一問題,我會答我最開心的時光是 「睇卡通片」!哈哈,聽落好似是無咩營養的活動,但毫無疑問卡通片是我最重要的童年回憶之一。 深刻記得柯豬媽小時候屋企有好多盒帶 ( 我猜現在的00後和10後應該從未見過錄影帶吧😂 ) 「dup」了不同的卡通片,其中一盒是『再見螢火蟲』。當播到主角妹妹神志不清,食玻璃珠當糖果嗰一幕時我喊到收唔到聲😭 事過20年,提起這部動畫還是很想喊,太催淚了。。。 除了『 #再見螢火蟲 』,陪我成長的吉卜力動畫還有『 #魔女宅急便』、『 #龍貓 』、『 #天空之城 』、『 #風之谷 』。比較近期的『 #千與千尋 』、『 #崖上的波兒 』、『 #哈爾移動城堡 』、『 #借物少女艾莉緹 』、『 #風起了 』,我都係買飛入戲院睇的,高畑勲和宮崎駿導演的作品每次睇完都令我感到很溫暖,很窩心,很感動。 吉卜力的作品不一定在平幕上欣賞,現在有機會在現實世界近距離欣賞到動畫的經典場面!九龍灣的 Portal 6311正在進行 < #FWD富衛保險 x 《#吉卜力的動畫世界》香港站>,入面有多個巨型立體場景,造功細緻,站在當中猷如化身動畫的一角,好震撼! 早幾日柯豬媽有幸前去預覽活動,在伸手可及的距離看到小魔女琪琪在麵包店內和黑貓吱吱一齊看舖; 在哈爾的家見到蘇菲用卡西發煎煙肉和雞蛋俾大家食; 幽靈公主和白狼神之子在森林中遙望; 無面男在油屋發狂,鯨吞食物,把房間弄到非常凌亂! 作為吉卜力 fans的我完完全全係睇到毛管戙,彷彿走入咗齣動畫入面咁!現場的每一件展品、每一個字、每一幅圖畫、每一個燈光效果,都係由日本來的吉卜力工作室原班人馬傾力打造,他們專誠來港監督組裝並親自逐筆繪畫及調校效果,務求將最原汁原味的吉卜力呈現於各位香港粉絲眼前,表現出工作室一絲不苟的「匠人精神」。 想去睇吉卜力の動畫世界的爸爸媽媽可以留意吓以下幾點:• 現場不準飲食,所以最好先帶小朋友食飽飽先好進場。• 入場前所有 BB車都要放喺指定位置,不可以攜帶入場,如有需要最好帶備揹帶。• 為配合展覽主題,場內燈火比較昏暗,走路請小心。• 需要幫小朋友換片片嘅話,過咗「幽靈公主」後有一殘廁,內有換片位。• 門票分成人票、特惠票 和 家庭票,買飛前睇清楚再揀買邊款。• 網上買票的價錢比現場即買的門票平,所以最好盡早買定 online ticket! • 為確保入場人士有最佳的體驗,網上買咗門票嘅朋友,記得預約入場時間,最少須於入場前兩小時完成。 若你係吉卜力 fans 一定會睇得好投入、好滿足!透過是次展覽,柯豬媽希望讓柯豬和些莉妹兩姐妹多啲了解媽媽的童年,將我最愛的動畫作品承傳下去。 ========================== FWD富衛保險 x 《吉卜力的動畫世界》香港站地點:Portal 6311 - 九龍灣常悅道18號 (就在Megabox附近)日期:2019年8月3日至11月3 日時間:11:00 – 22:00Website – www.ghiblihk.comFB – https://www.facebook.com/ghiblihk/ 網上購票:http://venue.cityline.com/utsvInt…/internet/action/event.do… 或https://hk.trip.com/m/things-to-do/detail/19805712… 預約入場:http://gh.digital-camp.cn/booking #吉卜力動畫 #吉卜力工作室 #吉卜力動畫世界 #香港站#高畑勲 #宮崎駿 #柯豬姐與些莉妹 #親子好去處 #親子活動#好想嚟個吉卜力動畫的馬拉松放影會呀#柯豬最鐘意睇龍貓 #柯豬媽最開心可以同無面男合照#行到最尾有大量吉卜力動畫精品 #仲有會場限定品

D2 Place 香港潑水節

『泰國』,給人色彩繽紛、友善、富動感的個性。 柯豬媽相信香港人對泰國的印象不會陌生,畢竟香港和泰國的飛行距離只是3小時,是港人最愛的假期聖地之一。平時如果想念泰國的美食,去九龍城揾食一定無錯,嗰度多泰國人聚居,泰式餐館林立,諗起都流口水呀!除了九龍城,現在喺荔枝角D2 Place都有正宗 made in Thailand美食和產品啦! D2 Place與一班土生土長的「泰二代」攜手合作,打造全港最大型的泰國新年慶祝活動「#香港潑水節2019」,於街頭上演古色巡遊、水戰派對及浴佛供僧儀式,與大家狂歡整個泰國新年! ~~~~~重點活動~~~~~ 1. #泰國古色巡遊 由「Water Angels」和「泰國婦女會」等東南亞團體,帶來一系列泰國特色傳統服飾以及泰國東北舞蹈 😍。 日期:Apr 14 (Sun)  時間:12: 30 PM – 1:30 PM  地點:荔枝角長義街(D2 Place 一期對出) 2. #激FUN水戰派對同慶潑水節 想試下玩打水戰的朋友機會嚟啦!大會將會設立街頭「水戰區」和親子專區,加上節奏強勁的音樂增加活動氣氛,讓大眾互相潑水送上祝福。 日期:Apr 14 (Sun)  時間:2: 30 PM – 4:30 PM  地點:荔枝角長義街(D2 Place 一期對出) 3. #浴佛送祝福 此乃潑水節的一大傳統,大會專程由泰國運送佛像到港,善信可以向佛像澆水,以除去不幸並祈求來年豐衣足食。 日期:Apr 13 – 17 (Sat to Wed)  時間:12 PM – 8 PM (Sun to Wed)  …

D2 Place 香港潑水節 Read More »

柯豬媽媽:大澳遊

昨日柯豬的感冒有點反覆,體溫多數保持在正常水平37°C,但有時會升上38°C以上 (可幸她精神和食慾沒受影響) 。今日柯豬爸媽決定向學校告假一天,帶著兩姐妹到空氣清新的【大澳】走一轉,總比屈喺屋企/上學(病毒集中營) 要好! 在家食完午餐,立即開了1個小時的車來到的大澳!對上一次入嚟這個水鄉已經係17年9月的事,當時柯豬剛上幼稚園的N班,些莉妹還是4個月大的手抱baby。今日再訪,柯豬和妹妹都長大了很多,不再用抱的,而是兩姐妹齊齊行街,睇東西,倚在木凳上欣賞風景。 我們隨意進入了一家cafe - Solo蘇盧,穿過右邊放了些擺設和左邊有個小廚房的走廊,就是半露天的用餐區。很喜歡坐在這個用木板建成的露臺上,吹著微風受享美食。 我們點了兩個drink+food set:凍咖啡、蜂蜜生薑特飲、new york cheese cake、豬肉蝦子麵,全部都很不錯。 柯豬媽喜歡它的咖啡,微甜,飲後有回甘。 芝士蛋糕質地軟熟,有檸檬香。 特飲的薑味唔算太重,易入口。 麵。。。無法comment,被柯豬爸和些莉妹清碗了。     在閒日行大澳是很enjoyable的事,推著孖B車的我們完全無受阻,因為行人少。如果是weekend或者假日,必定人山人海,柯豬家恐怕唔敢來了。買了3樽蝦醬1包海星1樽大地魚粉1樽蝦子的柯豬媽期待著下次再來(購物) 。 #柯豬姐與些莉妹 #大澳

柯豬媽媽的Car Seat試用文,很推介Combi WEGO car seat啊!

柯豬媽小時候好喜歡坐我爸爸開的車到處去,雖說每次旅程過得很愉快,但現在回想才發現爸媽從未有為我地幾兄弟姐妹安裝兒童專用的汽車安全座椅 (Car seat)。我問我媽點解唔裝,佢話:以前邊識咁多嘢~~😅 大部分父母 (不論上一代或這一代) 容易忽略小童坐車時的安全措施,我想最大原因跟香港無為此立法有關 (指定年紀的小童坐車時必需配合car seat,多國已有類似法例,如日本,台灣,美國,澳洲,歐盟等) 。可能有些父母以為小童如成人般扣上安全帶就得,未識坐嘅BB就由大人手抱。然而,當發生交通意外時大人一對手邊可能抱得實個BB? 小童個子不及一般成人,扣上以成人身高設計的安全帶好易令佢哋頸或手臂被磨損。如果真係不幸出意外就唔係整損咁簡單,有可能會勒傷胸部和腹部。 作為有揸車出入的家庭,柯豬爸爸和我同樣著重小朋友坐車時的安全,我哋希望能為兩位小公主選擇安全性和舒適度兩者兼備的car seat。今次十分開心得到Combi邀請試用他們家的WEGO car seat,適用對象由初生至4歲,體重up to 18kg。這座Combi car seat WEGO我哋主要用在些莉妹身上,使用多月後而家同大家報告一下用後感。另外,柯豬媽特別請柯豬爸親身示範 「如何向車頭方向安裝car seat」,希望令大家了解裝Car seat其實只是用你3分鐘時間,簡單一步就可以保障你小朋友的安全,實在是無excuse唔裝~! 先說材質,阿媽我十分滿意WEGO嘅布料,摸上手通爽、順滑。放阿妹坐好後扣上五點式安全帶,整個身體被初生內墊環抱著,就好似花蕊被花瓣包圍住咁,很fit。記得有一次準備開車,我將剛睡著的些莉妹放上WEGO然後扣上安全帶,阿妹佢無如平時一般瞬間醒來爆喊,反而順利地瞓得番,可能佢以為阿媽對手仲抱緊佢,令佢很有安全感!除了舒適度,汽車安全座椅最緊要的當然係「安全」。Combi car seat WEGO是日本製造,頭部配備EggShock吸震物料,能夠喺關鍵時刻吸收撞擊力,特別保護BB的頭部。Car seat的兩側亦有提高,如保護牆一樣守護著BB的頭頸。 喺試用Combi WEGO car seat前,柯豬媽大大話話都用過3個牌子的car seat,當中主要是歐美品牌 (Ma_i C_si,S_f_ty 1st) 。論安全性,大家都有通過安全測試和得到相關認證,所以這方面可能分別不大。但論舒適度Combi跟他牌比較起來優勝很多,因它的座椅造工仔細,厚身的座椅配搭軟熟的座墊,小朋友坐得更舒服。(日本人出名心思細密,是真的!) 其他car seat座墊薄薄的,坐得耐可能會patpat痛都未定。如果你要為初生baby買car seat,柯豬媽推薦Combi WEGO car seat給你,價錢適中 ($3880) ,可以由小baby坐到4歲,計番條數都唔算貴,good deal! 注意!car seat在向前模式(front facing) 時,黑色的初生內墊需要移除,柯豬媽拍照前未及拎走內墊,所以使用Combi WEGO的爸爸媽媽要多留意啊! #1歲內記得carseat後向(向車尾方向)安裝 #1歲後要前向(向車頭方向)安裝 #請支持柯豬爸的video呀謝謝大家 #飛媽生活 #femumliving …

柯豬媽媽的Car Seat試用文,很推介Combi WEGO car seat啊! Read More »

1歲到3歲半都啱睇的好讀物 – 「砵砵車」系列

新年新景象,柯豬媽將書檯上的雜物移走,取而代之的是柯豬的圖書。 以前為了房間睇落整齊啲,柯豬的書本是收喺膠櫃內的。係就係睇起上嚟無咁凌亂,但發覺漸漸柯豬少了主動去拎到圖書睇。改變擺書的方式後,現在每日柯豬都可以輕易地拎出佢想睇的書,有時自己睇,有時叫我講故事俾佢聽。回想未生妹妹之前,每晚我都會抽半小時同佢睡前閱讀,而家又可以重拾我地嘅親子閱讀時間啦 🙂   講故事唔係想柯豬識字,而是希望令佢有閱讀的習慣,咩類型的故事書都無所謂,柯豬聽得好開心,我都好享受。最有趣嘅係當柯豬聽過同一本書數次後,佢會模仿媽媽的語氣再講一次俾爸爸妹妹聽,好有家姐嘅風範呢! 芥子園出版社推出的 「砵砵車Little Toy Car」適合一至三歲半的小朋友閱讀,每期的主題都唔同,書中角式圍繞該主題發展不同的短篇故事。除了一般的中英文字和圖畫,更設計咗好多各式各樣的卡片、折頁及剪紙同讀者進行互動,吸引小朋友閱讀,增加趣味。柯豬媽提提你,芥子園現在有個新春試閱優惠,低至$100可以就可以訂3期砵砵車,優惠去到2月28日咋,有興趣嘅媽媽不妨訂嚟俾你嘅小朋友,一齊享受閱讀的樂趣。 砵砵車介紹 :https://goo.gl/Liaz1j 新春試閱優惠 : www.bayard.com.hk/CNY2018 #親子閱讀 #好讀物 #芥子園 #砵砵車

[1.5歲以上嬰幼兒食譜] 豆腐蛋撻

相信好多人都鐘意食蛋撻,但街外的蛋撻多數糖份太高,不如媽媽自己喺屋企整,小朋友一定會 好鐘意! 撻皮: 低筋麵粉 100g 無鹽牛油 50g 蛋黃 1隻 蛋漿: 蛋白 1隻 滑豆腐 50g 水/豆漿/人奶/配方奶/鮮奶 約100ml (視乎撻模高低,可以倒幾多蛋漿) 用具: 撻模6隻,篩子 1. 首先做撻皮,將無鹽牛油切粒,加到裝著麵粉的大碗內。用手指將牛油跟麵粉一起捽,將乾粉 捽成黃色泥沙狀態。 2. 加入蛋黃,盡快將所有材料揉成麵糰,用保鮮紙包好放雪櫃雪30分鐘。(雪硬些少,之後易操 作) 3. 滑豆腐用匙羹壓過篩,混合蛋白及奶,再過一次篩,將大塊的雜質去除。(這個步驟很重要,唔 過篩蛋撻會唔滑!) 4. 預熱焗爐180°c。 5. 取出麵糰,分做6小份 (約30g) 6. 將小麵糰放喺已掃油的撻模中間,用指腹輕力向四周壓開,直到可以覆蓋整個模,盡量厚薄均 衡一點。 7. 每個撻倒入8成滿的蛋漿,準備好就可以入焗爐。轉下火,先將撻皮部分焗熟,約10-15分鐘。 8. 當見到撻皮外圍有點金黃色,轉上火,減至160°c,將已經半熟的蛋漿部分焗熟,約5-10分 鐘。 9. 當蛋漿部分凝固,代表蛋撻已經可以出爐啦!! PS. 這個recipe是寫嚟俾較年幼的小朋友食,所以完全無糖,如果想做俾年紀大一點的孩子,爸媽可以適量地加少量糖,令成品更加香甜。

收費定免費打流感針?爸爸媽媽上網Check清楚先!

#流感針 #乙型流感 #甲型流感 上年9月,因為擔心柯豬番學會易感染流感就想喺開學前帶個女去打流感針,問過相熟的診所先知道原來流感針唔係你想打就有得打。每年流行的流感病毒都不同(季節性流感), 所以每年疫苗的成份都不一樣。當時我想打的16/17年度疫苗早已經無晒,要等新一季17/18年度的疫苗到貨先可以注射。當等到新疫苗出咗,無奈兩個女兒輪流發燒感冒,有病不適合打針。如是者等咗四個月,剛剛星期2終於決定帶柯豬and些莉去打流感針,即打電話去診所詢問,omg,頭4間都已經缺貨或者得番最後1劑。我地繼續問下去,好好彩揾到仍然有足夠貨源的醫務所,立刻飛車去登記!   兩個女都算叻,打針嗰下喊到豬頭咁,但好快收咗聲。完成第一針,4星期後又要再撲第二針 😂 因為9歲以下兒童而從未接種過季節性流感疫苗,醫生建議要打兩劑先有效。   如果爸媽想帶你地嘅小朋友打流感針,柯豬媽建議先到政府的ehealth醫健通網站(link如下) 揾下你所在的地區邊個醫生有參與疫苗資助計劃,入面詳細列出醫務所的地址,電話,和不同人仕的收費。有部分診所喺扣取政府資助後仍會收取費用,而有啲診所就費用全免,記得打電話去查詢清楚先好去呀! https://apps.hcv.gov.hk/SDIR/main.aspx?lang=zh   後記:打完針第二日早上,阿媽我收到柯豬學校的電話,原來上午班有兩個學生中咗乙型流感,學校已經通佈教育局同埋以電話通知各家長,家長可自行決定番唔番學。真係嚇到我一額汗,啱啱先打完針邊度咁快有免疫力呀,所以都係暫時自行停學幾日睇下點先再算。。。💀

給新手媽媽 : 6~8個月嬰幼兒加固心得

些莉妹由6.5月加固到而家8個月,目前還是一日一固(中午) ,柯豬媽都好希望可以喺晚上再加多一固,但見佢大便唔係每日都有,最長等足7日先屙硬大便,眼淚都標埋,唔敢加多一餐怕更難去大便 💀 要繼續觀察。 Anyways, 今日同大家分享我是如何為些莉妹加固的,讓將要為BB準備固體食物的媽媽可以作為參考。 大方向而言,加固可以分為tradition weaning (TW) 傳統餵食 及 baby led weaning (BLW) 寶寶主導進食。TW就係用匙羹一啖一啖餵BB進食,可能係米糊,粥或者食物蓉;BLW是以BB為主導,準備一啲佢容易手揸到的食物等佢自行放入口探索,例如蘋果片,菜莖,長通粉等等。我自己認為兩者無話邊個比另一個優勝,媽媽可以自行觀察小朋友的特性,再決定用邊個方法。 柯豬媽的大小女兒都係行TW, 當佢地6個月咁上下大就由米糊開始,第一次份量只有1小匙的米糊粉加奶/水開成較稀 (像粥水) 的質地,用軟頭的BB匙羹餵佢試味。初初接觸奶以外的食物BB不一定喜歡,可能會吐出嚟,媽媽唔駛因為咁就過份擔心,抱住嘗試的心態,今日唔成功,聽日再試。如果BB食得曬今日的份量,明日可以加多1~2小匙,慢慢試直到大約有小半碗,我就會添加其他食物蓉。由小至多,由稀至杰,每款食物可以連續試食3日來確定BB有無對此食物敏感。些莉妹試食過嘅食物大約20種,包括菜心,西蘭花,白菜仔,節瓜,豆苗,蕃薯,薯仔,南瓜,紅蘿蔔,白飯,香蕉,蘋果,火龍果,士多啤梨,牛油果,蛋黃,豆腐,鱸魚,牛肉。現在每餐會包含3~5款食物,將材料切粒/剁碎,蒸10-15分鐘,以叉壓蓉。例如 [ 紫蕃薯+薯仔+牛肉+菜心 ] , [薯仔+鱸魚+牛油果+豆苗 ]。 有時準備的食物多咗,一餐用唔晒,可以裝喺適合的容器放置冰箱,到第二日就可以更快咁煮好BB餐!Mother’s Corn的餐具用100%粟米製成,成份天然,不含BPA, 而且在棄置後可作生物降解,對環境負荷少一點。柯豬媽提提你,Mother’s Corn喺「荷花BB春季購物節」將會擺booth,到時BB產品會以低至75折的優惠價發售, 仲有買一送一區,$10褔袋(原價$88), 兒童布圖書等等,記得入場行去H13/14/15位置搶購呀~! #motherscorn @Primahongkong #粟米餐具 #嬰幼兒加固 #BB餐 #柯豬媽媽

[超過1600份玩具] 香港首間玩具圖書館

繼早前同柯豬一齊去錦田鄉村俱樂部參加學校旅行後,昨日又再次坐旅巴出發,參觀香港中央圖書館的玩具圖書館! 原來喺中央圖書館的二樓,有全港首間玩具圖書館,裡面的珍藏住超過1600份不同款式,適合0至8歲小朋友玩耍的玩具,男孩子鐘意的汽車類,工具類,board game, puzzles ;  女孩子愛玩的娃娃,煮飯仔等等,我估講得出嘅都會喺度揾到。小朋友可以閱覽玩具目錄冊揀選心水玩具,家長幫忙填寫玩具索取表格交俾職員就可以喺所屬時段內任意借玩。柯豬都借咗兩套煮飯仔煮餐豐富的午餐俾我食 😂 時段完結前會有音樂廣播提示,我地就一齊收拾再交還俾職員哥哥姐姐。 除了借玩具,場內設有4個主題遊戲區:嬰孩遊戲區、模仿及想像遊戲區、創意遊戲區及智慧遊戲區,配合不同年齡兒童的發展需要及遊戲模式。最受歡嘅我諗就係兩層高的遊戲屋,行上層高一高咁望落嚟揾爸爸媽媽又得,喺下層戴手套、拎工具扮裝修師傅亦得。柯豬用架泥頭手推車裝住啲生果,痴上牆又摘落嚟,好得意~! 以下是柯豬媽媽節錄咗部分玩具圖書館的資料,有興趣的爸爸媽媽記得要預約先好帶小朋友去玩呀! ★開放時間: 星期1,2,4,5,6,日 – 10am to 9pm 星期3 – 1pm to 9pm 公眾假期 – 10am to 7pm (當中有啲時間會因為學校/團體參觀,會場清潔而暫停放開,爸媽要留意玩具圖書館的開放時間及使用時段:https://www.hkpl.gov.hk/tc/about-us/HKCL/services/toy.html ) ★每位小朋友(8歲或以下) 可由1-2位成人陪同 ★預約可經電話(Tel: 2921 0378) 或親身去預約,每人每日只可預約一個時段,每節45分鐘。 ★如果無預約又到咗圖書館,可以試下親臨登記即日的waiting list, 或者如果咁啱該時段名額未滿(每節最多40人) ,都可能即刻有得入去玩㗎,先到先得。 參觀完玩具圖書館,爸爸媽媽可以同小朋友去外面借閱兒童圖書,讓佢地感染良好閱覽氣氛。柯豬媽平時都會盡量揾機會同柯豬睇圖書講故事,未生妹妹前我地每晚都會睇一本書,無論係長或短篇故事,中文或英文,都係非常好的親子活動。而家因為要湊兩件少咗好多閱讀的時間,所以能夠與柯豬一同參加學校活動變得更重要,希望可以彌補無法時常陪伴她的遺憾。 學校活動完結後,柯豬一家四口仲走咗坐叮叮。對我地新界人嚟講,真係好少有機會坐叮叮,可以俾柯豬試下搭電車都係一次不錯的經歷!(港島的爸媽會唔會都特登帶小朋友嚟新界西坐輕鐵?) #柯豬媽媽 #柯豬姐與些莉妹 #香港中央圖書館 #玩具圖書館 #親子活動

【幼童食譜】『黑白芝麻曲奇餅 + 一口芝士蘑菇焗蛋』

 黑白芝麻曲奇餅 (無蛋無奶少糖) (1歲以上幼童食譜) 材料 (40-60片餅乾,視乎餅模大小) : 低/中筋麵粉 100g 無鹽牛油 50g 黃糖 10g 黑,白芝麻 份量隨意 煮法↓ 1. 牛油喺雪櫃取出,量好份量就可以即刻同麵粉(不用過篩), 芝麻&糖一齊搓,唔駛放至室溫。 2. ‎用雙手手指將牛油同所有粉”卒”埋一齊,乾粉卒到變濕泥沙狀態。跟住將全部濕泥沙揸埋一起,只要啱啱好可以揸成球狀就Ok, 用保鮮紙包好放雪櫃雪30分鐘。 3. ‎將雪至硬身嘅麵團放喺灑左麵粉嘅工作枱上,隔張牛油紙/wax paper, 用麵粉棍roll成約 ¼ 至 ½cm 厚,用你鐘意嘅餅模cup出型狀,放喺已鋪baking paper嘅焗盤上。 4. ‎預熱焗爐150°c(無風扇) , 焗到餅乾表面上色就完成,約15分鐘。 Tips : 唔用芝麻可以考慮用十穀,柯豬媽覺得食落更有咬口更好味! ———————  一口芝士蘑菇焗蛋 (1歲以上幼童食譜) 材料↓ 雞蛋5隻 啡蘑菇 5粒 車打芝士碎 適量 胡椒粉 少少 植物油 少少 煮法↓ 1.蘑菇切片,燒熱白鑊下蘑菇炒,等啲菇菇嘅水份蒸發晒就可以落油炒多2~3分鐘,盛起。 2.準備一個大碗,打勻5隻蛋,倒入蘑菇&芝士碎,拌勻後倒入焗盤。(可以用長方形/正方形深盤,方便之後切成cubes)。 3. 放入已預熱焗爐,170°c,約30分鐘,蛋液凝固就即係熟透,待涼後切成一口嘅小cubes形狀。

會員登入